Departamento de Tecnoloxía do IES Pedregal de Irimia

Ao longo do curso 2017-2018 o alumnado de TIC de 4º da ESO fixo moito traballo práctico. O último foi facer un póster sobre seguridade informática. Déixovos unha mostra dos mellores: Póster de Alba Póster de Óscar

O vindeiro curso, 2018-2019, o departamento de Tecnoloxía decidiu mudar a materia de Programación de 2º da ESO por unha de creación propia chamada ARMN: Aproveitamento dos Recursos do Medio Natural. Se premes AQUÍ podes descargar o currículo de ARMN. E pinchando AQUÍ poderás baixar un pdf con máis información sobre a nova materia.

O día 29 de maio celebrouse no Campus Terra da USC a XI Olimpíada Tecnolóxica, organizada pola A.E. Tecnogalicia, e que nesta edición levou por título: Imaxina, investiga, descubre, ENXEÑA. Na olimpíada competiron 6 grupos de 2º da ESO, 6 de 3º da ESO e 4 de 4º da ESO (rebaixouse de 6 a 4 porque dous centros participantes, o IES Pedregal de Irimia e o IES Gregorio Fernández, foron elixidos para facer a “reválida” de 4º da ESO e polo tanto non puideron participar). En cada grupo participaron entre cinco e sete alumnos/as de todos os centros participantes (IES Pedregal de Irimia de Meira, IES Leiras Pulpeiro de Lugo, IES Gregorio Fernández de Sarria, CPI de Castroverde, CPI de Cervantes, CPI Poeta Uxío Novoneira do Courel e CPI San Tomé do Carballo de Taboada) tratando de que os grupos foran equilibrados en xénero e capacidades. De IES Pedregal de Irimia participaron 6 alumnos/as de 2º e 10 de 3º da ESO. Entre os obxectivos do evento están profundar no currículo da área de tecnolox

Profesores acompañantes: Fina López, Rubén Pol e Mario Outeiro Data: 24 de abril de 2018 Hora: 9:20 a 20:00                                          Lugar: Santiago de Compostela (Centro histórico-Catedral e Cidade da Cultura) Alumnado participante: 2º, 3º da ESO e alumnado de Arte de 2º de BAC. Resumo: O día 24 de abril os departamentos de Tecnoloxía e Xeografía e Historia organizaron unha excursión a Santiago de Compostela. Pola mañá visitouse a Catedral de Santiago (tellado e interior) e o centro histórico (dep. de Xeografía e Historia) e pola tarde o centro cultural Monte Gaiás: Centro de Xestión de Redes e o Centro de Proceso de Datos Integral da AMTEGA, e visita arquitectónica á Cidade da Cultura (dep. de Tecnoloxía).

Charlas temáticas. Programa “A ponte entre o ensino medio e a USC” Relator: Alberto Bugarín Diz, Catedrático e Investigador do CiTIUS (Centro Singular de Investigación en Tecnoloxías da Información) da USC Título: “Intelixencia artificial e xeración automática de linguaxe natural: unha palabra vale mais ca un millón de datos” Data: 17 de abril de 2018 Hora: 13:25 a 15:05 Lugar: Biblioteca do IES de Meira Alumnado participante: os matriculados nas materias de TIC de 4º da ESO e 1º e 2º de BAC Resumo: O catedrático e investigador da USC, Alberto Bugarín, introduciunos dun xeito ameno e rigoroso no mundo do Big Data (termo que fai referencia a unha cantidade de datos tal que supera a capacidade do software convencional para ser capturados, administrados e procesados nun tempo razoábel) e de como a linguaxe natural e a intelixencia artificial fan entendíbel para o ser humano o resultado do procesamento dun número inconmensurábel de datos.

A BIBLIOTECA DO IES PEDREGAL DE IRIMIA FOMENTA AS VOCACIÓNS CIENTÍFICAS E TECNOLÓXICAS CON NOVAS ADQUISICIÓNS PARA OS FONDOS BIBLIOGRÁFICOS O departamento de Tecnoloxía elixiu sete libros de divulgación científico-tecnolóxica co fin de complementar o ensino regrado dun xeito ameno e entretido: •        ElectriCiudad. Energía limpia para un futuro sostenible . Un interesante percorrido por ElectriCiudad da man dos máis grandes científicos de todos os tempos que nos contarán que é, de onde ven e como se transforma a enerxía. A enerxía é necesaria para que o noso mundo siga funcionando. Pero con moitos dos procesos que utilizamos para obtela corremos o risco de converter o noso planeta nun lugar inhóspito para todos os que vivimos nel. Quizabes deberiamos inspirarnos nos habitantes de ElectriCiudad: unha metrópole imaxinaria e ecosostíbel que funciona grazas a fontes renovábeis e limpas, e onde os coches son eléctricos e as casas producen máis enerxía da que consomen, sen